Parikan Gawe Sedulur –Peni Teko Ngawi – Bab 5

Peni saiki wis berubah,
Saiki dadi wong sing tekun ngibadah,
Tahun ngarep titele wis tambah,
Karo Bojone lungo kaji neng Mekah,

Bali mulih mesti wis kasebut Hajjah,
Karo bojone malah wis dihadiahi omah,
Kamongko regane ora murah,
Tandhane bojone tresno ora lumrah,

Saiki Peni manggon neng omah anyar,
Nyedhaki kerjone sing yo tambah mayar,
Ora kakehan tuntutan lan gebyar,
Kabeh di lakoni kanthi lancar,

Uripe Peni tambah tumata,
Ora nate kroso rekasa,
Kabeh di lakoni kanthi marem ing rasa,
Senajan urip adoh karo ingkang raka,

Ning urip pancen  ora luput teko godha,
Jenenge menungso ora luput teko salah lan dosa,
Semono ugo Peni sing uripe tambah mulyo,
Prembik2 penggoda mulai ono,

Naliko pindah neng panggonan saiki,
Peni kanthi duwe kepinginan kang suci,
Salah sijine pengin adoh karo Edi,
Sing nate menehi hadiah Blackberry,

Naliko di tinggal,
Edi ora ketingal,
Saiki wis ora nate nggodha kanthi nakal,
Padahal iki ora halal,

Ning Edi sik sering kirim sms,
Senajan iki ora pantes
Peni wis ora gelem bales,
Pen iwis ora rumongso maneh gemes,

Semono ugo akeh nasabahe kaget,
Malah ono sing kirim kabar lek kangen,
Padahal rata2 umure wis mepet,
Dasar nasabahe akeh sing ganjen,

Dasar Peni wong sing supel,
Wonge yo ora gampang mangkel,
Yen mangan senengane sambel,
Saiki malih sering mangan nasi timbel,

Nuwun sewu, meniko dereng cuthel,
Kepekso critane kulo punggel,
Lek dowo-2, mangke wonten ingkang mungel….
….crito kok mutel-mutel….(eh muter..muter)


Edisi : memenuhi janji

Parikan Gawe Sedulur – Peni Teko Ngawi – Bab Papat

Peni pancen wanodyo sing ngedab-edabi,
Naliko crita karo Supangat durung selesai,
Peni wis duwe usulan crita tentang seorang lelaki,
Lelaki yang dikenal akhir-akhir ini,

Kocap kacarito sak wijining dino,
Peni nglayani nasabah neng nggone kerjo,
Kanthi sabar dijelasne siji mboko siji nganti cetho,
Peni oleh telpun soko salah sijining priyo,

Si priyo takon bab sing ora maton,
Kadang takon sing ora katon,
Ketoro yen lagi brahi pengin cedhak karo wong wadon,
Mulane jagongane di selingi karo guyon,

Singkat cerita Peni nuli janjian,
Janji ketemu untuk minta penjelasan,
Si priyo nuli teko dalam waktu yang telah ditentukan,
Teko kanthi klecam-klecem penuh keyakinan.

Si Priyo jenenge lengkape Edi Suhedi,
Ning paling penak di sebut wae Edi,
Edi iki sawijining pegusaha ban mobil lan velg merk luar negri,
Wis tahunan anggone wiraswasta nganti berhasil koyo saiki,

Lek ndelok dedeg piyadege ora sepiro,
Di arani gagah yo podho karo wong liyo,
Malah keporo ngganthengan adoh dibandhing mas Kentus Wikantoyoso,
Ning sing jelas tetep kalah keren dibandhing mas Haryanto,

Edi uwonge prasojo,
Sejatine duwe mobil cacah limo,
Nyandi-nyandi dheweke milih gawe mobil sing paling olo,
Sing liyane mung digawe yen ono urusan kulowargo,

Edi kuwi yo wis duwe istri,
Istrine cantik persis wajahe Desi Ratnasari,
Duwe anak sing lucu kaya Clara pemain sinetron neng tipi,
Duwe apartemen elit neng daerah Slipi,

Edi lan bojone suwe wis ora atut,
Dhasare Edi wonge pancen manut,
Masiyo ora oleh jatah-e bojo ning ora nate nuntut,
Mergo Edi uwonge emoh ribut,

Mergo kuwi terus mulai kenalan karo candu,
Edi ugo kenal barang haram sing jenenge sabu-sabu,
Kadang-kadang yo tuku putauw,
Ning mergo sugih ora pernah nganti sakauw,

Edi ugo duwe omah gedhe magrong-magrong,
Omahe gedhe dibangun neng pinggir embong,
Ning ora duwe tanduran lombok lan terong,
He...he....he.. ning omahe jarang di ambah uwong,

Sawise kenal Peni wis rada suwe,
Mulai si Edi ketoro nakale,
Sing maune mung ngajak metu mangan sak lumrahe,
Ning saiki malah ngajak dugem setelah sore.

Lha apes-e Peni sik during mudheng,
Di pikir Edi kuwi wong sing paling anteng,
Masiyo wajah ora telalu ganteng,
Ning Edi di anggep ora duwe pikiran peteng,

Awal-awal-e Edi curhat,
Tentang keluarga dan kerabat,
Di lanjut tentang hubungane karo istri sing ora sehat,
Malah crito yen bojone arep di pegat,

Nyemak critane Edi, si Peni rumongso welas,
Karo lelakone si Edi sing keluargane ora pati jelas,
Peni mulai menilai yen bojone Edi kuwi wanito sing culas,
Ugo menilai yen sing wadon kuwi wong sing keras,

Mulo si Peni mulai duwe ati,
Yen jaman saiki di arani simpati,
Ning akeh sing ngarani kuwi empati,
Ning sing jelas Peni mesakne lelakone si Edi,

Tambah dino ‘kekancane’ wong loro tambah raket,
Lek jare bocah enom iki ’makin deket’,
Cara ngobrol berdua semangkin anget,
Si Edi ora sadar yen ngene kuwi sing bikin ruwet,

Si Edi mulai usaha ngapek atine Peni,
Awale mulai menehi hadiah sing warna-warni,
Mulai parfum, sepatu lan klambi,
Lan maneko barang sing ora mbejaji,

Kanggone Peni barang ngene kuwi ora duwe arti,
Soale regane ora nganti njupuk duit gaji,
Yen Peni pengin duwe, mung kari njaluk neng suami,
Mesthi kabeh bakal ditekani,

Edi menehi hadiah naliko Peni arep lungo Luar Negri,
Hadiahe arupo duit yu s di, ……..(singkatan teko USD)
Mestine jumlahe akeh ngedab-edabi,
Olehe menehne pas ketemu bengi sebelum pergi,

Sak liyane duit, Peni ugo diwenehi Blackberry,
Jare Edi: ben tambah penah olehe komunikasi,
Jare Edi: iki hadiah khusus kanggo ’calon istri’,
…..Lho kok malah nggendhengi..??

Tambah suwe si Edi tambah wani,
Mulai mengungkapkan isi hati,
Ngajak Peni kawin siri,
Peni kaget setengah mati,

Sajake Edi dudu kalebu kaum santri,
Soale Edi ora ngerti sing lagi diomongne karo Peni,
Kawin siri kuwi ora mung iso angger muni,
Ora kok angger lagi birahi terus ngajak rabi,

Syarat lan rukun nikah siri kudu tetep di penuhi,
Mulai mempelai, wali, lan saksi,
Lha iki Peni sik meger-meger duwe suami,
Bojone Peni arep diseleh endi?

Sopo sing gelem dadi wali?
Opo Wali Peni kudu tekakne teko Ngawi?
Kanggo menikahkan Peni?
Lha wong Peni duwe alangan secara syar’i

Ning Peni tetep mikir,
Mikire sinambi budhal ngantor karo nyetir,
Iki sajake tawarane wong kenthir,
Kanggo nylimur ati, Peni nuli akeh dzikir,

Peni ora menehi jawaban,
Di pikir Edi kuwi wong waras opo wong edan?
’Wong aku wis duwe sisihan,
lha kok malah ora ngajak ora karuan.’

Cekak cingkrange bojone Edi ngerti,
Yen Edi duwe hubungan khusus karo si Peni,
Mulo istri sering sms lan telpun Peni awan lan bengi,
Kanthi suroso sing ora perlu di tanggapi,

Mergo ora di tanggepi si istri tambah wani
Peni di labrak kanthi duko yayah sinipi,
Kanthi omongan sing nggarahe emosi,
Ning Peni tetep iso menahan diri,

Peni mung iso ngelus dhodho,
Oalah lelakon kok tambah ndodro,
Opo ngene iki ugo dilakoni wong liyo,
Ben ora sumpek Peni nuli crito neng mas Anto,

Peni njaluk pertimbangan,
Ben ora salah dalam mengambil tindakan,
Sing jelas ora mungkin crito neng kanjeng sisihan,
Yen crito ojob, opo kepingin terjadi peperangan?

Mas Anto nuli aweh nasehat lan pitedah,
Olehe ngandhani memper simbah,
Simbah sing nuturi sang wayah,
Murih Peni ora nglakoni tumindak kang salah,

Pituture ngene :

Kudu digalih kanthi temen ing manah,
Kanthi pikiran sing genah,
Kanthi ati kan wening lan bungah,
Ning kabeh sing iso di gayuh titah sak wantah,

Ojo mergo hadiah pikiran dadi owah,
Ojo mergo hadiah nganti lali anak lali omah,
Ojo mergo hadiah kowe gampang mlumah,
Ojo mergo Nasabah keluarga dadi Bubrah,

Oalah....oalah.......
Bocah... bocah.....
Parikan kok tambah nggladrah,
Sakmene dhisik, aku yo wis sayah..

Parikan Gawe Sedulur - Peni Teko Ngawi - Bab Telu

Iki minangkani penyuwune konco-konco,
Sing ora sabar ngerti akhire cerito,
Cerita sing kadhung tak babar lan di woco,
Diwoco karo Mbak Retno, Yu Ida Rahmanto, lan Mas Kentus Wikantoyoso,

Sakjane ceritane aku dhewe wis lali,
Sebab wis ora tak senggol watara sepuluh sasi,
Mulai riyoyo tahun wingi,
Ning bareng tak rakit critane koyo ngisor iki,

Naliko Supangat karo Peni lagi nglakoni acara sing wis diniati,
Lek jare Kushendratmo iki acara 'Berpacu Dalam Melodi', (He..he... he... )
Ono neng kamar hotel kelas tinggi,
Sing di lakoni nganti sewengi,

Naliko Peni bangun di pagi hari,
Peni sadar yen babar pisan ora nganggo klambi,
Kabeh wis di lucuti,
Ono sing semampir neng kursi yo ono sing neng ndhuwur sprei,

Ora weruh kedadeyan opo sing di lakoni sewengi,
Mugo-muga wae ora nganti mlebu tipi,
Padahal kedadeyan iki mirip crito ne Ariel karo Cut Tari,
Opo ngono Dhi?

Bengi pas mbarengi ‘shooting’ e Supangat sing krenggosan,
Acara karo Peni sing persis acara macam-macam sesi pemotretan,
(..he..he..he.. )dengan pengarah gaya niru suhu Nungki Cristyawan,
Kanthi adegan sing kebak nafas buatan,

Neng Indonesia Nyonya Supangat atine dadi ora karu-karuan,
Atine dadi was-was lan deg-degan,
Kok deg-deg iki ora koyo padatan,
Iki biasa kanggo wong sing peka insting lan tajam perasaan,

Sadar yen duwe bojo neng adoh paran,
Ny Supangat nuli ndonga kanggo keselamatan kanggo Supangat sang sisihan,
Memuji marang ngarsane Allah kang Maha Wikan,
Kanthi sadar Ny. Supangat wudhlu neng padasan,
Di terusne alon-alon moco Al Qur'an,

Nenuwun supoyo bojone ora keno ngodha setan,
Sing arupo wanita ayu utowo prawan,
Prawan tuwo utowo prawan temenan
Utowo prawan sing membo ibu-ibu sing rupawan,

Ora kroso wengi wis ngancik isuk,
Ora kroso mripat wis suwe olehe ngantuk,
Bocah-bocah kabeh wis suwe anggone bubuk,
Hawane dirasakne Ny Supangat tambah sumuk,

Ning anggone nenuwun tambah tawaduk,
Nganti ngempet dehem lan watuk, ora kari sajadah tanpa pisah karo bathuk,
Karo meneng tanpo sebab ning dirasakne kok atine malah remuk,
Opo sebabe wuk?

Lamat lamat teko radio RRI,
Muter lagu-lagu campursari,
Lagu endah ning tambah ngiris-ngiris ati,
Lirike rasake cocok kanggo wong sing di tinggal suami,

“Naliko dek jaman semono,
Tresnamu setyo lan tuhu,
Anane mung tansah ngalembono,
Jujur ora nate cidro,

Mulo aku tansah animbangi,
Tresnaku ginowo mati,
Ora ono lintang kang sumunar,
Amung ndiko pepujanku,

Sliramu pamit tugas ngayahi,
Mrih rahayu ne sesami,
Nggonku muji kariyo basuki,
Suk kapan anggonmu bali..

Peteng dhedhet rasaning atiku,
Bareng keprungu kabarmu,
Nyatane sing kondur mung layangmu,
Ora liyo kena godha”

Heladalah,
Surasane kok nggarahi wong susah,
Surasane kok ngiris-iris manah,
Nyonya Supangat tambah sengkut anggone nyeyuwun neng Gusti Allah,

Ora kroso teko mripat ono banyu sing mili,
Rumongso urip adoh teko suami,
Romongso lagune cocok karo suasane hati,
Suasane sing suwalike dirasakne Supangat lan Peni sing lagi haha hihi,

Prang…
Suara kacane pigura photo pernikahan pecah dadi pirang-pirang,
Ny Supangat kaget bukan kepalang,
Pertanda apa yang akan datang?

ono sambungane

Parikan Gawe Sedulur – Peni Soko Ngawi - bab loro

Naliko Peni ono tugas ke luar negri,
Peni kirim kabar lewat koneksi wifi,
Peni teko jakarta langsung neng bandara sing terkenal neng negoro tanggi,
Jeneng bandarane di akhiri huruf i,
Neng kono Supangat wis ngenteni,
Ngadeg gagah karo ambune minyak wangi,
Rambute klimis ora kari.

Wong loro nuli menyang hotel numpak taksi,
Taksi sing di pesen khusus kanggo Peni,
Yo mesti wae Supangat sing mbayari,
Yen ora, iso jatuh gengsi,

Neng njero taksi tangane Peni tansah di gondeli,
‘berpegangan tangan’ jare arek saiki,
Koyo critane bocah nom-noman sing tas kaet rabi,
Memper sir-sirane muda-mudi,
Wong loro wis ora eling sangkan paran dumadi,

Supangat ora eling yen duwe anak istri,
Semono ugo Peni ora eling yen wis duwe suami,
Demi kepuasan kabeh podho kumbi,
Lek ora ngerti, kumbi kuwi artine podho karo ‘ngapusi’
…xixixixixixi….

Wong loro olehe lungguh mepet koyo kentekan kursi,
Klesik-klesik lirih ben ora dirungokne karo sing nyupiri,
Soale akeh supir taksi sing asline TKI,
Sing asal daerahe Pati, Ngawi, lan Banyuwangi
Sing mesthine kabeh iso boso Jawi,

Supir taksi api-api ora ngerti,
Karo premati supir taksi nuli nyetel cidi,
Lagune lha kok kebeneran nyocoki suasana sing terjadi,
Syair lagune koyo ngiso iki,

‘satus sasi lawase nggonku ngenteni’
‘mung sliramu wong bagus kang dadi ati’
‘rino wengi mung tansah tak impi-impi’
‘jroning ati kangenku setengah mati’

‘jenang gulo, yo mas yo, mbok ojo lali’
‘ngelingono rikolo jaman semono’
‘sliramu janji aku setio’
‘ngenteni lahir batin tersnaku terusing ati’

‘kangen!… wong kangen ngene ngene rasane’
‘rindu-rindu ….. (* rindu nih yeee*) …wong bagus kowe tak tunggu’
‘kangen!… wong kangen opo opo tambane’
‘rindu-rindu tambane kudu ketemu’

Wheladhalah….tibake supir taksi nunggal sak nagari,
Dadi TKI mulai tahun songo siji,
Supangat lan peni kaget setengah mati,
Wah ojo-ojo iki salah sijine PAPARAZI...

Tekan hotel nuli nyelehne barang bawaan,
Dibantu karo room boy sing cekatan,
Pokoke kabeh diladeni model juragan,
Sasat fasilitase hotel di golekne sing number one,

Kabeh mung kari nglebokne tagihan,
Lan Peni ora perlu ngelongi duit bulanan,
Kabeh ditanggung karo Supangat sing ganteng lan rupawan,
(jare Pen ndeloke kudu teko Parkirane fakultas Perikanan)

Batine Supangan ‘ ora opo-2 sing penting iso ketemu karo wanita idaman’
‘apapun akan kuberikan’,
‘jangankan mbayar hotel semalaman’
‘Satu bulanpun akan aku usahakan’
‘Hmmmmm tapi harus ngikuti syarat dan ketentuan’
‘ Paling tidak kudu ono pajak pelayanan’
…. Edan…edan…..

Sakwiso nompo Kunci,
Peni nuli mlebu kamare seorang diri,
Nuli peni reresik alias mandi,
Si Supangat kanthi sabar ngenteni,
Olehe ngenteni ono Lobi,
Ngenteni karo lihat kanan kiri,
Soale Supangat rodok wedi,
Mbokmenawa ono sing ngonangi,
Kan iso dilaporne karo sang Istri,
Wah iso blai,
Lek nganti ketemon wong liyo kan iso kebuka wadi,

Dasare Supangat wis ngebet,
Kabeh rekodoyo supoyo wadine tetep slamet,
Ora ketang mlakune thimik-thimik katon nggremet,
Karo ndhingkluk memper wong mumet,
Koyo mlakune wong nggoleki duit neng suket ,
Soale yen konangan kabeh iso ruwet,

Malam mulai datang,
Lampu-lampu mulai menyala terang,
Peni dan Supangat sepakat cari makan asal masakan Padang,
Karena ini kota bukanlah kota Malang,
Tapi kota dengan seribu pendatang,
Akhirnya Supangat memabawa Peni ke rumah makan romantic dengan lampu yang kurang terang,

Peni dudu wong sing gaul,
Wong bapake biyen yo pernah nyekel pacul,
Ibune wae yen masak isik nggawe wakul,
Ibune biyen yo pernah masak thiwul,
Ning Peni dudu wanito sing duwe otak tumpul,
Ning ngadhepi supangat atine gampang banget dirangkul

Ning Peni baru ngerti dunia malam,
Mangan di kancani lampu sing temaram,
Yen mangan kudu nggawe talam,
Ndelok uwong ketoke tampak kelam,
Lha kok di wenehi sirup sing nggarahi kubam,
Nganti Peni ora sadar nganti pirang-pirang jam,



Sik ono sambungane

Parikan Gawe Sedulur - Peni teko Ngawi

Iki critane koncoku sinarawedi,
Sing asale teko Ngawi,
(Sik aku kok bingung yo…. Opo tekan Pati?)
Kutho cilik ning Asri,
Diceluk wae jenenge Peni,
Soale tibake akeh sing gelem ngopeni,

Kuliah neng cedhek jurusan Akutansi,
Eh… opo jurusan administrasi ….
Kok aku rodok lali,
Sing jelas iki putri,

Dilairne teko keluarga ABRI
….eh.. saiki dadi TNI,
Mulane duwe disiplin tinggi,
Yen ngomong ora angger muni

Biyen pas kuliah bocahe kuru,
Nyandhang penganggo ora nate mbuka bahu,
Areke jarang metu,
Sregep sinau,

Ben kuliahe enggal rampung kanthi IP telu,
Ben ngenthengne Bapak Ibu,
Ben ora akeh-akeh olehe ngentekne sangu,
Ben ora nganti ngedol sawah sing kari sebau,

Saiki wis dadi ibu-ibu,
Kabar terakhir anake wis meh telu,
Duwe bojo gagah ganteng tur gedhe dhuwur memper aku….
(…he..he…he… ora oleh maelu,
…yen protes mbayar satus ewu….)
Nyambut gawe neng Jakarta sing banjir meh ben minggu,
Nyambut gawe neng Bank Gedhe neng Pasar Baru,

Naliko kuliah neng Malang manggon neng kos-kosan,
Kos-kosan daerah Brawijaya sebelah wetan,
Duwe crito yen pernah kenalan,
Kenal arek lanang pacare koncone sak jurusan,
Lha kok si Peni malah bingung ora karuan,

Liyo dino Peni ketemu maneh pas arep tuku panganan,
Ketemu maneh rasane jantung dadi deg-degan,
Ketemune pas neng jalan Mayjen Panjaitan,
Kanthi rodo ragu si Peni nyopo terus salaman,
‘mas lha kok dhewean?’
‘Endi pacare sampeyan?’

Kanthi entheng si bocah lanang njawab slenge’an,
‘ Tak glethakne kos-kosan
ben aku oleh maneh gandhengan’,
Edan…edan….

Kok jawabe nggarahi atine Peni dadi blingsatan,
Mergo sungkan,
Si Peni mung mbatin ‘pasti suatu saat kamu akan aku dapatkan’



Si bocah lanang celuk wae jenenge Supangat,
Tibake wong sing punya harkat dan martabat,
Duwe wong tuwo dadi pejabat,
Pejabat sing sungkani karo rakyat,

Yen budhal kuliah Supangat sering nggawe roda papat,
Kendaraane bersih tur mengkilat,
Sing kanggoku barang sing ora terbayang meski nganti kiyamat,
Wah pokoke keluargane pancen hebat,

Supangat kuliah neng kampus biru,
Sak kampus karo aku,
Yen kuliah aku jarang ketemu,
Soale yen dheweke jajan Es teller aku mung trimo jajan jamu.

Critane saiki wis bedo,
Si peni wis dudu kenyo,
Semono ugo Supangat yo dudu Joko,
Kabeh wis duwe kulawarga,
Si Supangat malah anake wis tigo,
Supangat saiki wis urip mulyo,
Dadi manager-e pabrik lengo,
Uripe sugih bondho donya,
Ning uripe ora maneh neng Jawa,
Ning neng Negara liya,
Neng negoro sing lambange gambar singo

Wingi tahun rongewu wolu,
Wong loro wis mulai ketemu,
Peni sing tambah ayu,
Dedeg piyadeg-e tambah mateng masiyo wis dadi ibu,
Yen mesem akeh wong sing kepingin melu,
Ora peduli wis duwe anak telu.
Semono ugo Supangat , tambah kangen alias rindu,

Pas ono dines alias nganggo tiket gratisan,
Peni karo Supangat nuli janjian,
Ketemu neng tempt sing dirahasiakan,
Dalam waktu dan jam yang sudah di tentukan,
Mulo wong loro nuli kangen-kangenan.
Crito ngalor ngidol berduaan,


nyambung neng bab loro